جابىرلەنۋشى بوتاگوز مۇحتاروۆا سول كۇنى تەكسەرۋ قىزمەتىنىڭ ينسپەكتورى رەتىندە جۇمىسقا شىققان.
ال تەكسەرۋ بەكەتىنە كەلگەن ايىپتالۋشى م.باراتوۆتان جەكە كۋالىگى مەن ۇشاققا وتىرعىزۋ تالونىن سۇراعاندا, ءول «ۇش مينۋتتان سوڭ اۋەجايدى جارىپ جىبەرەمىن» دەپ قورقىتقانىن ايتتى.
ءوزىنىڭ جەدەل ارەكەتىمەن اۋەجاي قىزمەتكەرىن قۇتقارعان مۇسا ءابدىرايىم دا وقيعانى ءجىتى بايانداپ بەردى.
م.باراتوۆ پىشاقتى الىپ شىققانىن مويىندادى. دەسە دە ول «اۋەجايدى جارىپ جىبەرەمىن» دەگەن ءسوزىن نەلىكتەن ايتقانىن تۇسىندىرە المادى. ول سوڭعى سوزىندە كىناسىن مويىنداپ, جابىرلەنۋشىلەردەن كەشىرىم سۇراعان.
پروكۋرور الماس بەرتاەۆ سوتتالۋشىنىڭ كىناسى جابىرلەنۋشىلەر مەن كۋاگەرلەردىڭ ايعاقتارى, سونداي-اق بەينەجازبالار ارقىلى تولىق دالەلدەنگەنىن بايانداپ, وعان مىنا مەرزىمگە جازا تاعايىنداۋدى سۇرادى:
«كەپىلگە الۋ» بابى بويىنشا — 8 جىل;
«قارۋ قولدانۋ ارقىلى بۇزاقىلىق» بابى بويىنشا — 4 جىل 8 اي;
«تەرروريستىك اكت تۋرالى كورىنەۋ جالعان اقپارات تاراتۋ» بابى بويىنشا — 2 جىل 6 اي;
جازالاردى جيناقتاپ, اقىرعى جازا رەتىندە 10 جىل 6 اي باس بوستاندىعىنان ايىرۋدى ۇسىندى.
سوت ۇكىمى 16 شىلدە كۇنى ساعات 16:00-دە جاريالاندى.
